It is the soul that matters

Tuesday, February 20, 2007

Chalte hue tere saath...

Hari si chadar oddhe iss raste par
Apne kadmon ko tumhare saath milate hue
Ghanton tak tumhare saath chalna chahti hun
Hamare dilon ke taal milate hue

Taazgi hamari aankhon ko chuti hui
Halki hawaen patton se khelti hui
Hariali basanti khushbu faila rahi hai
Komal dharti hamare kadam chumti hui

Tumhari iss khamoshi ko mehsoos karte hue
Tumhari iss chuppi ko suunte hue
Aise hi tumhare saath chalna chahti hun
Iss safar ke ant tak aur aage bhi...

Posted by Nats :: Tuesday, February 20, 2007 :: 3 comments

Post a Comment

---------------oOo---------------